القصيده ماتـت والاوراق اتقطـــعت

القصيده ماتـت والاوراق اتقطـــعت
الحرف عامل عزا والاوزان اتكسرت
وانتي يا قدس فيكي عرب اتعمدت
يرسموكي في الخرايط بنت اتعممت
بيغتصبها غادر وابوها افواهه اتكممت
ملعون ابو دي وحده وناس فيها اتحكمت
لا كلامه بيقدم ولا يأخر بأيام اتنيلت
راسمين شعارات الحريه بأحبار اتسممت
بدموع الذل وساكته عن الصرخه لو اتكلمت
وايد فيها شوك مبتتحدش اتبهدلت
واه يا وطن لو ليهم مصلحه اتأخرت
يقوموا بين الدول حروب والافكار اتبخرت
لكن يدافعوا عن قدسنا. لااااا اتمنظرت
قعدوا قاعده حلوه والكلمات اتسطرت
وطلعوا بكام سبوبه والاعلانات اتسجلت
والجرايد تكتب وشموخ الكلمه اتفجرت
ويادوب يروحوا بيوتهم كل الاوراق اتقطعت
والشعارات اخرهم. ما هي وحده اتصورت
ملعون ابو دا ظلم فيه النار اتحققت
بقلمي
اسماعيل محمد